Ermənilərin yaraladığı qadının vəziyyəti kafidir
19:20 15 İyul 2017
İyulun 4-də Ermənistan silahlı bölmələrinin Füzulinin Alxanlı kəndini atəşə tutması nəticəsində yaralanan kənd sakini Səlminaz Quliyevanın vəziyyəti kafidir.
Füzuli Rayon Mərkəzi Xəstəxanasının baş həkimi Natiq Şükürov bildirib ki, Səlminaz Quliyeva döş qəfəsinin və sol süd vəzisinin çoxsaylı qəlpə yarası diaqnozu ilə ərazidəki hərbi hospitala gətirilib və lazımi tibbi yardım göstərilib. Hospitalda süd vəzisinin əməliyyatı aparılıb və qəlpə çıxarılıb. Vəziyyəti nəzərə alaraq, iyulun 7-dən Horadiz şəhər xəstəxanasına köçürülən S.Quliyevanın müalicəsi davam etdirilir. Hazırda xəstənin vəziyyəti kafidir.
Yaralı Səlminaz Quliyeva AZƏRTAC-ın müxbirinə bildirib ki, vəziyyəti getdikcə yaxşılaşır. O, onunla maraqlandığına, diqqət göstərdiyinə görə hər kəsə, o cümlədən həkimlərə minnətdarlığını ifadə edib.
Xatırladaq ki, iyulun 4-də Ermənistan silahlı qüvvələrinin növbəti təxribatı nəticəsində Alxanlı kəndinin sakinləri Sahibə Allahverdiyeva və onun nəvəsi 2 yaşlı Zəhra Quliyeva həlak olub.
Oxunub: 1009
Oxşar xəbərlər
- Ermənilərin törətdiyi terrordan 26 il ötür
- Ermənilərin cəmi 9 faizi Sarkisyana inanır - VİDEO
- Ermənilərin etirazları nəticəsiz qaldı
- Ermənilərin yaraladığı 13 yaşlı uşağa görə cinayət işi açılıb
- Ermənilərin təklifi rədd edildi - ATƏT-dən Azərbaycana dəstək (VİDEO)
- Ermənilərin yaraladığı qadın Horadiz Xəstəxanasına köçürüldü
- Ermənilərin qətlə yetirdiyi 2 yaşlı Zəhra - FOTOLAR (18+)
- Ermənilərin kəşfiyyat dəstəsini bu şəxs məhv edib
- Ermənilərin törətdiyi yanğın evlərə çatır - Ağdam təhlükədə
- Ermənilərin atəş nöqtəsi məhv edildi - Düşmənin itkiləri var (VİDEO)