Kürdə biogen maddələrin miqdarı artıb
02:36 02 Noyabr 2017
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların transsərhəd qollarının çirklənmə vəziyyətini öyrənmək məqsədilə keçirilən oktyabr ayı üzrə son monitorinqin nəticələri açıqlanıb.
Nazirlikdən verilən məlumata görə, oktyabr ayının III ongünlüyündə Kür çayında suyun sərfi oktyabr ayının II ongünlüyünə nisbətən 13 m3/san azalaraq 170 m3/san təşkil edib.
Monitorinqin nəticələrinə əsasən, Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində Kür çayı və onun qollarında biogen maddələrin miqdarının normadan dəfələrlə artıq olması müşahidə olunub.
Suyun tərkibindəki spesifik çirkləndiricilərdən fenollar Şıxlı-2 məntəqəsində 5, Ağstafaçayda 3, Ağstafaçay su anbarında isə 2 dəfə yol verilən qatılıq həddini (YVQH) keçib.
Oktyabr ayının III ongünlüyündə aparılan monitorinqlərin nəticələrinə görə fenollar Araz çayı üzrə Horadizdə 3, I Şahsevəndə və Bəhramtəpədə 2 dəfə YVQH-ni keçib. Mis birləşmələri isə Kür və Araz çayları üzrə bütün məntəqələrdə norma daxilində tərəddüd edib.
Suyun oksigen rejimi bütün məntəqələrdə 7-8.24 mq/l arasında olmaqla sanitar norma daxilində dəyişib.
Femida.az
Oxunub: 735
Oxşar xəbərlər
- Kürdə batan gəncin meyiti tapıldı
- Kürdəmirdə Seçki Dairəsində yanğın
- Kürdəmirdə vəhşi heyvanlar kəndə hücum edib
- Kürdəmirdə yeniyetmə özünü güllələyib
- Kürdəmirdə qəza - Maşınlar toqquşdu
- Kürdəxanı-Pirşağı yolunda qəza: Ölən var
- Kürdəmirdə əməliyyat: Maskalı dəstə ələ keçdi
- Kürdə suyun səviyyəsi azalıb
- Kürdəmirdə ağır qəza - 2 qardaş öldü
- Kürdəmirdə ağır qəza - ÖLƏN VAR