Jurnalistlərin karnavalı oldu – VİDEO
20:10 25 Dekabr 2017
.jpg)
Bakıda “Mətbuat Qeyri-Rəsmi” Jurnalist Klubunun (JK) yaranmasının 5 illik yubileyi, Dünya Azərbaycanlılarının Həmrəylik Günü və qarşıdan gələn Yeni illə bağlı ümumrespublika karnavalı keçirilib.
Femida.az xəbər verir ki, Azərbaycanın 30-dək televiziya, informasiya agentliyi, qəzet və xəbər portalının 100-dən çox nümayəndəsinin qatıldığı karnavalda bir sıra dövlət qurumlarının mətbuat xidmətlərinin rəhbərləri iştirak ediblər.
Tədbirdə keçirilən müsabiqələrin təqdimatı zamanı qalibə “Qarabağ” futbol klubunun geyimini komandanın kapitanı Rəşad Sadıqov təqdim edib. Karnaval boyu müsabiqələr keçirilib və müsabiqə qaliblərinə "Bakı Metropoliteni" QSC-nin, Ekologiya və Təbii Sərvətlər Nazirliyinin, Səhiyyə Nazirliyinin, “ASAN Xidmət” Mərkəzinin, ABAD xidmətin, Azərbaycan Xalça Muzeyinin, “Unibank” Kommersiya Bankı, “Kontakt Home” mağazalar şəbəkəsinin qiymətli hədiyyələri təqdim olunub. Azərbaycan Tələbə Gənclər Təşkilatları İttifaqı (ATGT) tədbirdə dəstəkçi qismində iştirak edib.
“Mətbuat Qeyri-Rəsmi” Jurnalist Klubu ölkədə media nümayəndələrinin işdənkənar asudə vaxtlarının təşkili, peşəkar sahədə fikir mübadilələrinin aparıldığı toplantıların keçirilməsi, Bakıda fəaliyyət göstərən jurnalistlərin ölkənin regionları ilə tanışlığının təmin edilməsi sahəsində fəaliyyət göstərən yeganə ictimai təşkilatdır. Təşkilatın həmtəsisçiləri - jurnalistlər Murad Əliyev, Mübariz Aslanov və Yelena Sidorenkodur.
Femida.az
Oxunub: 924
