FHN-nin əməkdaşı qəzaya düşdü: 1 ölü
18:31 30 Sentyabr 2015
Gəncədə ölümlə nəticələnən yol qəzası baş verib. Femida.az-ın məlumatına görə, hadisə şəhərin Bakı istiqamətinə çıxışda Nizami məqbərəsinin yaxınlığında qeydə alınıb. Belə ki, "Daewoo" markalı minik avtomobili hərəkətdə olarkən yolda təmizlik işləri ilə məşğul olan süpürgəçini vurub. Süpürgəçi qadın hadisə yerində dünyasını dəyişib. Daha sonra avtomobil yolun kənarında divara çırpılaraq yararsız hala düşüb. Maşında olan 36 yaşlı Əlizamin Hüseynov, 30 yaşlı Mansur Əliyev, 35 yaşlı Razim Pənahov və 33 yaşlı Kənan Məmmədov müxtəlif bədən xəsarətləri alıb. Yaralılar Gəncə Şəhər Təcili Tibbi Yardım Xəstəxanasına yerləşdirilib. Onların vəziyyətlərinin kafi olduğu bildirilir. Qeyd edək ki, qəza zamanı avtomobildə FHN-in əməkdaşları da olub. Faktla bağlı araşdırma aparılır.(Report)
Oxunub: 863
