Elmar Məmmədyarov pakistanlı səfiri qəbul edib
21:42 24 İyun 2016
Azərbaycan xarici işlər naziri Elmar Məmmədyarov Pakistan İslam Respublikasının Azərbaycandakı səfiri Xalid Usman Qayseri qəbul edib.
Femida.az-ın məlumatına görə, xarici işlər naziri Elmar Məmmədyarov Pakistan İslam Respublikasının Azərbaycan Respublikasındakı səfiri Xalid Usman Qayseri diplomatik fəaliyyətinin başa çatması münasibətilə qəbul edib.
Görüşdə Azərbaycan və Pakistan arasında dostluq və tərəfdaşlığa əsaslanan ikitərəfli siyasi əlaqələrin yüksək inkişaf səviyyəsindən məmnunluq ifadə olunub. Ölkələrimiz arasında əlaqələrin inkişafında yüksək səviyyəli qarşılıqlı səfərlərin əhəmiyyəti vurğulandı. İqtisadiyyat, ticarət, kənd-təsərrüfatı, nəqliyyat, turizm və müdafiə sahəsində əməkdaşlığın daha da inkişaf etdirilməsi üçün əlverişli imkanların olduğu qeyd olunaraq, biznes forumları vasitəsilə iki ölkənin iş adamları arasında təmasların artırılmasına ehtiyac duyulduğu bildirilib.
Səfir Xalid Usman Qayser 2016-cı ilin aprel hadisələri zamanı şücaət göstərmiş Azərbaycan şəhidlərinin ruhuna dua etdiyini, dost və qardaş ölkə olaraq Pakistanın Azərbaycanın uğurlarına sevindiyini və fəxarət hissi keçirdiyini bildirib.
Nazir Elmar Məmmədyarov Ermənistan-Azərbaycan, Dağlıq Qarabağ münaqişəsi ilə əlaqədar beynəlxalq hüququn prinsiplərini və BMT Nizamnaməsini rəhbər tutaraq, Pakistanın Azərbaycanın ədalətli mövqeyini dəstəkləməsinin yüksək qiymətləndirildiyini qeyd edib. Elmar Məmmədyarov Müqəddəs Ramazan ayı münasibətilə qardaş Pakistan xalqını təbrik edərək ən xoş arzularını çatdırıb.
Səfir Xalid Usman Qayser diplomatik fəaliyyətinin uğurla həyata keçirilməsi üçün ona göstərilən dəstəyə görə təşəkkürünü bildirib.
Nazir Elmar Məmmədyarov səfirə iki ölkə arasında əlaqlərin inkişafına verdiyi töhfəsinə görə minnətdarlığını ifadə etdi və ona gələcək fəaliyyətində uğurlar arzu edib.
Oxunub: 1042
Oxşar xəbərlər
- Elmar Məmmədyarov və Mövlud Çavuşoğlu görüşdü
- Elmar Vəliyev səfirlə görüşdü
- Elmar Vəliyev “Vətənə xidmətə görə” ordeni ilə təltif edildi
- Elmar Məmmədyarov BMT-nin Afrika üzrə rəsmisi ilə görüşüb
- Elmar Məmmədyarov Efiopiyaya gedib
- Elmar Məmmədyarov İsveçdədir
- Elmar Qasımov Prezident təqaüdçüləri ilə görüşüb
- Elmar Məmmədyarov Myanma qətliamını pislədi
- Elmar Məmmədyarov Budapeştə gedir
- Elmar Məmmədyarov Sudanlı həmkarına məktub göndərib