Qanunsuz ət satanlar məhkəmədə ifadə verdi
21:36 26 İyul 2016
Bu gün Bakı Ağır Cinayətlər Məhkəməsində qanunsuz ət satışı ilə məşğul olmaqda təqsirləndirilən Sərdar Şahverdiyev, Alıbəy Rzaxanov və Tamerlan Abdullayevin cinayət işi üzrə məhkəmə prosesi keçirilib.
Femida.az-ın məlumatına görə, hakim Səbuhi Hüseynovun sədrliyi ilə keçirilən prosesdə təqsirləndirilən Alıbəy Rzaxanov ifadə verib. O, özünü təqsirli bilmədiyini deyib: "2012-ci ildə ət sexini açmışıq. Mən orda heç bir fəaliyyət göstərməmişəm, sadəcə, həmin obyekti ət kəsmə sexi kimi qohumuma icarəyə vermişdim. Ümumilikdə 1 ya 2 dəfə orda olmuşam. Ancaq bilirəm ki, orada at əti satılmayıb".
Məhkəmədə təqsirləndirilənlər - Sərdar Şahverdiyev və Tamerlan Abdullayev də ifadə verərək dövlət ittihamçısının suallarını cavablandırıblar.
Xatırladaq ki, Sərdar Şahverdiyev, Alıbəy Rzaxanov və Tamerlan Abdullayev Cinayət Məcəlləsinin 200.2-ci (istehlakçıları aldatma və ya pis keyfiyyətli məhsul istehsal etmə və satma, qabaqcadan əlbir olan bir qrup şəxs tərəfindən törədildikdə) maddəsi üzrə ittiham olunurlar.
Oxunub: 1386
Oxşar xəbərlər
- Qanunsuz ağac kömürü satanlar cərimələndi
- Qanunsuz tikinti aparanlara qarşı ciddi tədbirlər görüləcək
- Qanunsuz miqrantların sayı minimuma enib
- Qanunsuz kömür istehsalının qarşısı alınıb
- Qanunsuz kömür hazırlayanlar cərimələnəcək
- Qanunsuz dərman satan həbs edildi
- Qanunsuz ovla məşğul olanlar tutulub
- Qanunsuz ov edən şəxslər saxlanıldı
- Qanunsuz sahibkarlıq faktları aşkarlanıb
- Qanunsuz ağac kəsən şirkət rəhbəri həbs edildi