Hərbçi güləşçilərimiz vətənə qayıtdı
03:58 27 Sentyabr 2016
Beynəlxalq Hərbi İdman Şurasının (CISM) himayəsi altında Makedoniyanın paytaxtı Skopyedə keçirilən güləş üzrə hərbçilərin 31-ci dünya çempionatını ikinci yerdə başa vuran Azərbaycan yığma komandası sentyabrın 26-da Vətənə qayıdıb.
Femida.az xəbər verir ki, Heydər Əliyev Beynəlxalq Aeroportunda idmançılarımızı Müdafiə Nazirliyinin əməkdaşları, hərbçilərin yaxınları, idmansevərlər və KİV nümayəndələri gül-çiçəklə qarşılayıblar.
Azərbaycan Respublikası Müdafiə Nazirliyinin Mərkəzi Ordu İdman Klubunun (MOİK) komandasının qatıldığı dünya çempionatında 4 qitəni təmsil edən 35 ölkədən 300-dən çox idmançı mübarizə aparıb. Dünya çempionatının sərbəst və yunan-Roma güləşi yarışlarında iştirak edən idmançılarımız 2-si qızıl, 4-ü gümüş və 3-ü bürünc olmaqla ümumilikdə 9 medal qazanıblar. Azərbaycan yığmasına qızıl medalları Həsən Əliyev və Ağahüseyn Mustafayev qazandırıblar. Millimiz komanda hesabında 53 xal toplayaraq yarışları ikinci yerdə başa vurub.
Azərbaycan nümayəndə heyətinin rəhbəri, MOİK-in rəisi polkovnik-leytenant Rəşad Quliyev, sərbəst güləş üzrə komandamızın rəhbəri Nazim Əlicanov, yunan-Roma güləşi üzrə komandamızın rəhbəri isə Taleh İsrafilovdur. Həmçinin dünya çempionatında Azərbaycan nümayəndə heyətinin tərkibinə beynəlxalq dərəcəli hakim Elman İsmayılov da daxil idi.
Oxunub: 1242
Oxşar xəbərlər
- Hərbçi yoldaşını xilas edərkən şəhid olan xüsusi təyinatlı - Talış yüksəkliyində son döyüş
- Hərbçilər 93 yaşlı prezidenti devirdi
- Hərbçilərin olduğu helikopter qəzaya uğradı
- Hərbçilərimiz beynəlxalq tədbirdə iştirak edir
- Hərbçilərimiz Zəhranın 40 mərasimində - FOTO
- Hərbçilərimiz Qazaxıstanda birinci yerə çıxıb - VİDEO
- Hərbçilərimiz Ermənistanı üstələyir - Nazirlik
- Hərbçilər “üzən mina” hədəfinə atəş açdı - VİDEO
- Hərbçilərimiz Qazaxıstana gedib
- Hərbçilərimiz Moskvaya yollandı - Yarışlara qatılacaqlar