Müəllimlərin maaşı artacaq - Şad xəbər
13:25 26 Oktyabr 2016
Azərbaycanın 26 rayonunda noyabr-dekabr aylarında müəllimlərin bilik və bacarıqlarının diaqnostik qiymətləndirilməsindən keçənlər üçün əməkhaqqı sisteminin yeni qayda ilə hesablanmasına gələn ildən başlamaq nəzərdə tutulur.
Femida.az Fins.az-a istinadən xəbər verir ki, təhsil nazirinin müavini Ceyhun Bayramov deyib ki, müəllimlərin diaqnostik qiymətləndirməsinin keçirilməsinə iki il əvvəl başlanılıb: "İlk olaraq 2014-cü ildə Bakı şəhərində diaqnostik qiymətləndirmə keçrilib. 2015-ci ildən artıq yeni qaydalarla dərs yükü normasının müəyyənləşdirilməsi və bunun əsasında da əməkhaqqının hesablanması həyata keçirildi".
Nazir müavininin sözlərinə görə, ötən il ölkənin 3 şəhər və 9 rayonunda qiymətləndirilmə davam etdirilib, bu il 26 rayonda noyabr-dekabr aylarında diaqnostik qiymətləndirmənin keçirilməsi planlaşdırılır: "Bununla da biz ölkə üzrə diaqnostik qiymətləndirmədən keçən müəllimlərin əhatə dairəsini 70 faizə çatdırmağı planlaşdırırıq. Başqa sözlə, islahat təxminən 100 min müəllimi əhatə edəcək".
C.Bayramov deyib ki, hazırda Təhsil Nazirliyinin işçi qrupu diaqnostik qiymətləndirmə keçiriləcək 26 rayonda işçi səfərindədir: "Orada görüşlər keçirilir, müəllimlərə prosedurlar izah edilir. Təbii ki, bu izahatlar verilərkən ötən illərin təcrübəsi nəzərə alınacaq".
Oxunub: 2394
Oxşar xəbərlər
- Müəllimlərin işə qəbulu ilə bağlı dəyişiklik
- Müəllimlərin maaşı artırıldı
- Müəllimlərin diaqnostik qiymətləndirilməsi gələn il başa çatdırılacaq
- Müəllimlərin sentyabr konfransı keçirildi
- Müəllimlərin işə qəbulu prosesi başa çatıb
- Müəllimlərin işə qəbulunun nəticələri açıqlanıb
- Müəllimlərin işə qəbulu üzrə müsabiqə başa çatıb
- Müəllimlərin maaşı artırıldı
- Müəllimlərin işə qəbulu üzrə müsahibə mərhələsində - Yenilik
- Müəllimlərin işə qəbulu ilə bağlı imtahanlar başlayır