Erməni əsgər briqadaya qumbara atdı, sonra özünü güllələdi

20:37 08 Dekabr 2016

Ermənistan İstintaq Komitəsi əsgərin naməlum şəraitdə ölməsi ilə bağlı məlumat yayıb.

Femida.az Ermənistan mətbuatına istinadən xəbər verir ki, Dağlıq Qarabağda yerləşən hərbi hissələrdən birində gecə saat 2 radələrində əsgər Albert Postolokyan hərbi yoldaşı Harnik Terteryanın istirahət etdiyi blendaja qumbara atıb.

Postolokyan daha sonra tabeliyində olan tapançadan özünə atəş açaraq intihar edib.

Əsgər Terteryan isə hospitala çatdırılıb. Onun həyatı üçün heç bir təhlükə yoxdur.

Qeyd edək ki, bu gün səhər saatlarında Ermənistan KİV-lərində əsgər Albert Postolokyanın naməlum şəraitdə ölməsi haqda xəbər yayılmışdı.

Femida.az