İtaliyada güclü zəlzələ baş verib
23:10 18 Yanvar 2017
İtaliyanın Mülki Müdafiə Departamentinin məlumatına əsasən Roma şəhərindən 110 kilometr məsafədə ard-arda üç güclü yeraltı təkan qeydə alınıb. Bu zona 2016-cı il avqustun 24-də 300 nəfərin ölümü ilə nəticələnən zəlzələyə məruz qalmışdı.
Femida.az Rusiyanın NTV telekanalına istinadla xəbər verir ki, təbii fəlakət nəticəsində həlak olanlar və ya xəsarət alanlar barədə məlumat yoxdur. Lakin yerli KİV-lər ötən zəlzələ zamanı ciddi dağıntılara məruz qalan Amatriçe şəhərində yeni torpaq sürüşmələri və dağıntıların meydana gəldiyini yazır.
Milli Geofizika və Vulkanologiya İnstitutunun məlumatına əsasən, 5,3 bal gücündə ilk zəlzələnin ocağı yerin 10 kilometr dərinliyində yerləşib. Yeraltı təkanlar bir sıra mərkəzi vilayətlərdə - Latsio, Marka, Abrutso, həmçinin İtaliyanın paytaxtında hiss olunub. Roma metrosunun A və B xətlərində sərnişinlər təxliyə edilib.
Bu arada Avropa-Aralıq dənizi Seysmologiya Mərkəzi İtaliyanın mərkəzində 5,7 və 5,5 bal gücündə təkrar təkanların qeydə alındığı barədə məlumat yayıb.
Oxunub: 1188
Oxşar xəbərlər
- İtaliyada partlayış baş verib, dörd nəfər yaralanıb
- İtaliyada azərbaycanlı və erməni deputatlar arasında gərginlik olub
- İtaliyada zəlzələ olub
- İtaliyadan gətirilən ağaclarda xəstəlik aşkar edilib
- İtaliyada 3 nəfər vulkan kraterində ölüb
- İtaliyada zəlzələ baş verdi
- İtaliyada qatar faciəsi - 10 nəfər yaralanıb
- İtaliyada zəlzələ olub
- İtaliyada 16 məktəbli yanaraq öldü
- İtaliyadakı zəlzələdə xeyli insan yaralanıb - YENİLƏNİB