Qazaxıstanda Xocalı soyqırımı anıldı
14:57 23 Fevral 2017
Qazaxıstanın paytaxtı Astanada “Soyqırımlarından azad dünya naminə” foto-sərgi açılıb.
Femida.az-ın “inform.kz”-a istinadən verdiyi məlumata görə, Azərbaycanın Qazaxıstandakı səfirliyinin təşkil etdiyi tədbirə Qazaxıstan və Azərbaycanın millət vəkilləri, KİV nümayəndələri, ziyalılar qatılıblar.
Azərbaycanın Qazaxıstandakı səfiri Rəşad Məmmədov 22 fevral tarixin bütün Avropada cinayət qurbanları günü kimi qeyd olunduğunu deyib. Foto-sərgidə nümayiş olunan şəkillərdə bəşəriyyət tarixində dəhşətli soyqırımlarının əks olunduğu deyən diplomatın sözlərinə görə, tədbirin məqsədi sülh və razılığın möhkəmləndirilməsidir. Səfir qazaxıstanlı yazıçı Oljas Suleymanovun sözlərini xatırladaraq, heç kimin bu kimi hadisələrin yenidən təkrarlanmasını istəmədiyini söyləyib.
“Holokostdan sonra bütün dünya düşünürdü ki, soyqırımı kimi cinayətdən xilas oldu. Əfsus ki, sonrakı hadisələr, o cümlədən Azərbaycanda 1992-ci ildə törədilən Xocalı soyqırımı sübut etdi ki, bu cür hadisələrdən heç kim sığortalanmayıb”.
Sonra soyqırımı qurbanlarının xatirəsinə şamlar yandırılıb.
Qeyd edək ki, sərgi salonu müxtəlif zamanlarda baş verən soyqırımlarına dair dörd hissəyə bölünüb: Kamboca (1975-89), Ruanda (1984), Xocalı (1992) və Holokosta (1941-1945).
Femida.az
Oxunub: 2403
Oxşar xəbərlər
- Qazaxıstanda 11 terror aktının qarşısı alındı
- Qazaxıstanda 4 nəfər tutuldu - İŞİD təbliğatına görə
- Qazaxıstanda 4 azərbaycanlı tutuldu
- Qazaxıstanda 13 azərbaycanlı saxlanılıb
- Qazaxıstanda snayperlərin yarışı keçiriləcək
- Qazaxıstanda azərbaycanlı güllələdilər
- Qazaxıstanda təyyarə qəzası - 2 nəfər öldü
- Qazaxıstanda Azərbaycanla bağlı sərgi keçirilib
- Qazaxıstanda nə baş verir?
- Qazaxıstanda bina uçdu - 9 ölü