Dopinq riskli idman növlərinin siyahısı açıqlanıb
22:09 23 Fevral 2017
Azərbaycan Milli Antidopinq Agentliyinin (AMADA) tərəfindən götürülmüş dopinq-testlərin göndəriləcəyi antidopinq laboratoriyasının adına hələ aydınlıq gəlməyib.
Bu barədə AMADA-nın icraçı direktoru Şəfəq Hüseynli keçirdiyi mətbuat konfransında bildirib.
Onun sözlərinə görə, həm logistika, həm də maliyyə baxımından uyğun olan laboratoriya seçiləcək: "Hazırda Almaniyanın Köln şəhərindəki laboratoriya tələblərə cavab verir. Çox güman ki, dopinq-testləri Köln şəhərinə göndəriləcək. Bu, müasir laboratoriyadır. Bizə həm logistika, həm də maliyyə baxımından uyğun olanını axtarırıq. Laboratoriyanın dəqiq adını martda müəyyənləşdirəcəyik".
AMADA-nın icraçı direktoru deyib ki, dopinq riskli idman növləri daha çox diqqət mərkəzində olacaq: "Ağırlıqqaldırma, atletika, güləş və boks dopinqin riskli növlər siyahısındadır. Futbolda da dopinq-testlər götürmək niyyətindəyik".
O, AMADA nəzdində Terapevtik İstifadəyə Nəzarət Komitəsi, İntizam Komitəsi və Apellyasiya Komitəsinin yaradıldığını, qurumun fəaliyyətinə isə 5 nəfərdən ibarət Müşahidə Şurasının nəzarət edəcəyini vurğulayıb.
Ş.Hüseynli Azərbaycanın Ümumdünya Antidopinq Agentliyi tərəfindən müvafiq tələblərə cavab verməyən ölkələr siyahısına Rusiyaya görə salınma ehtimallarını təkzib edib: "Mən burada siyasi problem görmürəm. Yaşadığımız problemlərin Rusiya ilə bağlı olduğunu düşünmürəm. Biz WADA ilə çox sıx münasibətdəyik. Onlar AMADA yeni yaradılanda bizə çox böyük dəstək veriblər".
Femida.az
Oxunub: 939
Oxşar xəbərlər
- Azərbaycan ağırlıqqaldıranı dopinqə görə sərt cəzalandırılıb
- Dünya və dördqat Avropa çempionumuz dopinqə görə yarışlardan kənarlaşdırıldı
- Rusiyanın beşqat dünya çempionu dopinqə görə cəzalandı
- Yeddi idmançımızın medalları əllərindən alındı
- Azərbaycanın daha bir idmançısı dopinqə görə cəza aldı
- Azərbaycan idmançılarında dopinq çıxıb
- 5 idmançımız cəzalandırıldı - Dopinqə görə
- Dopinqdən istifadə edənlər 80 min cərimələnəcək
- Daha bir idmançımızda dopinq aşkarlandı
- Daha 3 idmançımızın dopinqdən istifadə etdiyi üzə çıxdı