Salvador Dalinin məzarı açılıb


14:31     21 İyul 2017 d7c03a93ccafc6a51b0e614aeac473f4%20(1).jpg

İspaniyada rəssam Salvador Dalinin məzarı açılıb.


`Associated Press`in məlumatına görə, rəssamın cəsədi bioloji material və atalığın müəyyən edilməsi məqsədilə ekshumasiya olunub. Tabutun açılması mərasimi Dalinin Fiqerasdakı teatr-muzeyində baş tutub.

“Məhkəmə tibbi ekspertizası Dalinin məzarını məhkəmə prosesi çərçivəsində, atalıq testi aparmaq və DNK analizi götürmək üçün açıb” - deyə mənbə yazır.

Belə ki, falçı Mariya Pilar Abel Martines 2015-ci ildən bu yana iddia edir ki, onun atası Dalidir. Abelin sözlərinə görə, 1955-ci ildə rəssam onun anası ilə sevgi yaşayıb. O zaman Dali Qala kimi tanınan Yelena Dyakonova ilə nikahda olub. Cütlüyün uşaqları olmayıb.

Rəssam 1989-cu ildə 85 yaşında vəfat edib.

Femida.az

Açar sözlər:

Oxunub: 713