Parklardan gülləri oğurlayan şəxs: `51 yaşım var` (VİDEO)

16:15 22 İyul 2017

Sumqayıtda güllərə qənim kəsilən şəxs ifşa olunub.

Femida.az xəbər verir ki, şəhər Polis İdarəsinin 1-ci polis bölməsinin əməkdaşlarının həyata keçirdikləri əməliyyat axtarış tədbirləri nəticəsində, Corat qəsəbəsi, ev 166-da yaşayan 51 yaşlı Sabir Sadiqov saxlanılıb.

Əvvəllər də məhkumluq həyatı yaşayan Sadiqov şəhərin estetik görünüşü üçün əkilən gülləri kökündən çıxararaq satırmış. O ilkin ifadəsində, hadisəni gecə saatlarında törətdiyini və əməlindən peşman olduğunu deyib.

Sabir Sadıqov - Saxlanılan şəxs: "Uşaq deyiləm, 51 yaşım var. Bu, mənə yaraşan bir şey deyil".

Faktla bağlı Sumqayıt şəhər polis idarəsində özgənin əmlakını talama və ziyan vurma maddəsi ilə cinayət işi açılıb, araşdırmalar davam etdirilir.

Femida.az