Lütfi Zadənin cənazəsi Azərbaycana gətiriləcək
13:58 07 Sentyabr 2017
Bu gün səhər saatlarında Amerikada dünyasını dəyişən dünya şöhrətli alim Lütfi Zadənin cənazəsi Azərbaycana gətiriləcək.
Femida.az xəbər verir ki, bu barədə AzVision.az Lütfi Zadə ailəsinin yaxın dostu, Azərbaycan Texniki Universitetinin professoru Şahnaz Şahbazova bildirib.
Onun sözlərinə görə, sənədləşmə işləri təxminən 1 həftə çəkəcək: "Lütfi Zadənin cənazəsini 10 gündən sonra Azərbaycana gətirəcəyik. Son nəfəsinə qədər Lütfi Zadənin yanında olmuşam. Oğlu Norman atası dünyasını dəyişəndə onun yanında deyildi.
Lütfi Zadə son nəfəsində məndən xahiş etdi ki, onun işlərinə həsr olunmuş “Softcommuting” üzrə Ümumdünya konfransını iki ildən bir təşkil edim. Sonra dedi ki, mənim bir layihəmi bitir və məqalə şəkilində dərc etdir. Bundan başqa elmi məqalələrinin Azərbaycanda tətbiq olunması ilə bağlı işlər görməyimi tapşırdı. Mən də ona söz verdim. Xahiş etdi ki, onu müsəlman qaydası ilə dəfn edək.
Beşinci gün Berkli Universitetində Lütfi Zadənin xatirəsi yad ediləcək. Yas və dəfn mərasimi isə doğma vətənində keçiriləcək".
Qeyd edək ki, qeyri-səlis çoxluqlar nəzəriyyəsinin və qeyri-səlis məntiqin banisi, Kaliforniya Universitetinin professoru Lütfi Zadə 1921-ci ilin 4 fevral tarixində Bakı şəhərində Rəhim Ələsgərzadənin ailəsində dünyaya gəlib.
Femida.az
Oxunub: 1210
Oxşar xəbərlər
- Lütfi Zadə dəfn olundu
- Lütfi Zadənin cənazəsi Bakıya gətirilib
- Lütfi Zadənin cənazəsi bu gecə Bakıya gətiriləcək
- Lütfi Zadə ilə vida mərasiminin vaxtı məlum olub
- Lütfi Zadənin nəşi Bakıya gətirilir
- Lütfizadənin cənazəsinin gətirilməsi ləngiyə bilər
- Lütfi Zadənin oğlu atasının dəfnində iştirak etməyəcək
- Lütfi Zadənin nəşi nə zaman gətiriləcək?
- Lütfi Zadə I Fəxri xiyabanda dəfn olunacaq
- Lütfi Zadəyə `fındıqbaş` deyən məmuru hansı cəza gözləyir? - Vəkil danışdı