Ədliyyə naziri Saatlıya gedir
21:34 10 Noyabr 2017
Prezident İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq, Azərbaycan Respublikasının ədliyyə naziri Fikrət Məmmədov tərəfindən noyabrın 14-də Saatlı rayonunda vətəndaşların qəbulu keçiriləcək.
Ədliyyə Nazirliyinin mətbuat xidmətindən Femida.az-a verilən məlumata görə, Saatlı rayonu Gənclər Mərkəzində (ünvan: Saatlı şəhəri, Həsən bəy Zərdabi küçəsi 71a) keçiriləcək qəbulda Saatlı, Sabirabad və İmişli rayonlarından olan vətəndaşların ədliyyə fəaliyyəti ilə bağlı müraciətlərinə baxılacaq.
Vətəndaşlar qəbula İmişli regional ədliyyə idarəsi (ünvan: İmişli şəhəri, S.Qazıyeva küçəsi, bina 12a; əlaqə telefonu: (02124) 6-26-94, 050 449-59-57), habelə Ədliyyə Nazirliyinin 510-10-01 (əlavə 2104), 055 925-37-41 nömrəli telefonları, [email protected] elektron poçt ünvanı vasitəsilə, eləcə də Saatlı rayonu Gənclər Mərkəzində yazıla bilərlər.
Eyni zamanda, vətəndaşların rahatlığı üçün ədliyyə nazirinin həmin gün keçiriləcək qəbuluna elektron qaydada birbaşa yazılmaq imkanı yaradılıb. Bu məqsədlə Ədliyyə Nazirliyinin elektron xidmətlər portalına (www.exidmet.justice.gov.az) müraciət etmək lazımdır.
Femida.az
Oxunub: 929
Oxşar xəbərlər
- Ədliyyə Nazirliyində yeni rəis təyinatı
- Ədliyyə Akademiyasında icbari təlim kursu başlayıb
- Ədliyyə sahəsində layihələr uğurla həyata keçirilir
- Ədliyyə işçilərinin peşə bayramı qeyd olunub
- Ədliyyə işçilərinin peşə bayramıdır
- Ədliyyə işçilərinə xüsusi rütbələr verilib
- Ədliyyə naziri ilə görüşmək istəyənlərin nəzərinə!
- Ədliyyə Nazirliyində kollegiya iclası keçirilib
- Ədliyyə orqanlarında işləmək istəyənlərin nəzərinə!
- Ədliyyə Nazirliyində müşavirə keçirilib