DTX bacısını İran narkotacirlərində girov qoyan şəxsi yaxalayıb
23:04 11 Noyabr 2017
Azərbaycan vətəndaşı Eyvazov Babək Rzabala oğlunun öz bacısı Minayə Eyvazovanı İran vətəndaşları olan narkotacirlərdə girov qoyması və külli miqdarda narkotik vasitələri qaçaq yolla Azərbaycana keçirmək üçün qəbul etməsi barədə Dövlət Təhlükəsizliyi Xidmətinə məlumat daxil olub.
DTX-nin İctimai əlaqələr şöbəsindən Femida.az-a verilən məlumata görə, Azərbaycan Respublikasının dövlət sərhədini nəzarət-buraxılış məntəqələrindən kənarda Astara rayonu Şəvqo kəndi istiqamətində qanunsuz keçərək, çəkisi külli miqdar təşkil edən 3 kiloqram 12,23 qram heroin və külli miqdarda metadon həblərini qaçaq yolla Azərbaycana keçirən Babək Eyvazov əməliyyat tədbirləri nəticəsində cinayət başında yaxalanıb.
Babək Eyvazov Dövlət Təhlükəsizliyi Xidmətində aparılan cinayət işi üzrə dövlət sərhədini qanunsuz keçmə, narkotik vasitələrin qanunsuz dövriyyəsi və digər faktlar üzrə məhkəmə qərarı ilə həbs edilib.
Minayə Eyvazova Babək Eyvazovun şəxsiyyətini təsdiq edən sənədlərlə birlikdə ölkəyə qaytarılıb.
Hazırda araşdırmalar davam edir.
Femida.az
Oxunub: 959
Oxşar xəbərlər
- DTX-nın həbs etdiyi jurnalistlərin məhkəməsi olacaq
- DTX məhv edilən terrorçular barədə məlumat yaydı
- DTX-nın həbs etdiyi jurnalistin məhkəməsi başladı
- DTX-nın əməkdaşı dünya çempionu olub
- DTX antiterror əməliyyatlarının görüntülərini yaydı - VİDEO
- DTX-nin antiterror əməliyyatları davam edir – Daha 4 nəfər saxlanıldı
- DTX əməliyyat keçirdi: Mənzildən “Molotov kokteyli”, silah və qumbaralar tapıldı
- DTX valyuta qaçaqmalçılığında şübhəli bilinən şəxsləri saxlayıb
- DTX əməliyyat keçirdi: Cinayət işi başlanıldı
- DTX və polis Qəbələdə əməliyyat keçirdi