İran Türkmənistanı məhkəmə ilə hədələdi
14:51 28 May 2017
Femida.az-ın məlumatına görə, İRNA agentliyi İran Neft və Qaz Nazirliyinə istinadən Türkmənistanın İranın şərtləri ilə razılaşmayacağı halda Tehranın Beynəlxalq Arbitraj Məhkəməsinə müraciət edəcəyi barədə xəbər yayıb.
Buna səbəb bu ilin əvvəlində Türkmənistanın İrana qaz ixracını dayandırmasıdır. Tehranın Aşqabaddan hansı məbləğdə kompensasiya tələb etdiyini açıqlamayan İran Milli Qaz Şirkətinin rəhbəri H. R. Araki bildirib ki, kompensasiya məbləği iddiada əksini tapıb və həmin iddia Aşqabada da təqdim edilib. Bununla bərabər, Türkmənistan qazının svop çərçivəsində İran üzərindən Azərbaycana nəqli də davam edir.
Xatırladaq ki, İran və Türkmənistan arasında qaz qalmaqalı 2016-cı ilin sonlarında başlayıb. “Turkmenqaz” qaz satışı ilə əlaqədar İran Milli Qaz Şirkətindən 1,8-2 milyard dollar tələb edib. Uzun müzakirələrdən sonra tərəflər qarşılıqlı razılığa gəliblər. Buna baxmayaraq, Türkmənistan 1 yanvar 2017-ci ildən İrana qaz ixracını dayandırıb.
Femida.az
Oxunub: 940
Oxşar xəbərlər
- İranda ibtidai siniflərdə ingilis dili qadağan olundu - VİDEO
- İranda iğtişaşlar zamanı saxlanılanlar sərbəst buraxılır
- İranın sabiq prezidenti həbs edildi - İddia
- İranda zəlzələ - 20 nəfər xəsarət alıb
- İranda etirazlar yenidən baş qaldırdı
- İran kəşfiyyatı: Terrorçu qruplaşma darmadağın edilib
- İran ABŞ-dan BMT-yə şikayət etdi
- İranda onlarla azərbaycanlı həbs edildi
- İran yenə silkələndi
- İranı silkələyən hadisə: Etirazlarda 15 min nəfər iştirak edib