Ekologiyanı çirkləndirən 248 nəfər cərimələndi
19:57 19 Aprel 2017
Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyi ilə birgə respublikanın şəhər və rayonlarında, meşə, park, müalicə-sağlamlıq, turizm zonalarının ərazilərində, su mənbələrinin və mineral bulaqların sanitar-mühafizə zonalarında, Xəzər dənizinin sahil zolağında, çimərliklərdə məişət tullantılarının urnalardan kənar yerlərə atılması, sənaye və məişət tullantılarının qalaqlanması, su obyektlərinin çirklənməsi və zibillənməsi hallarının qarşısının alınması məqsədi ilə tədbirləri davam etdirir.
Daxili İşlər Nazirliyinin mətbuat xidmətindən Femida.az-a verilən məlumata görə, bu ilin birinci rübündə şəhər, rayon polis orqanları tərəfindən həyata keçirilən tədbirlər nəticəsində İnzibati Xətalar Məcəlləsinin 244-cü (torpaqların zibillənməsi və korlanması), 266-cı (istehsalat və məişət tullantıları haqqında qanunvericiliyin pozulması) və 271-ci (sənaye və məişət tullantılarının qalaqlanması və yandırılması zamanı ətraf mühitin mühafizə tələblərinə əməl edilməməsi) maddələrinin tələblərini pozan 248 nəfər inzibati məsuliyyətə cəlb olunub. Həmin şəxslərə tətbiq olunan cərimələr 28350 manat təşkil edib.
Təkcə bu ilin mart ayında keçirilən birgə tədbirlərlə paytaxtın Sabunçu, Suraxanı, Binəqədi, Xəzər, eyni zamanda, Abşeron rayonları ərazilərində İnzibati Xətalar Məcəlləsinin qeyd edilən maddələrinin tələblərini pozan 12 fiziki, hüquqi və vəzifəli şəxs müəyyən edilərək inzibati məsuliyyətə cəlb olunub, onlar 17450 manat cərimələnib.
Femida.az
Oxunub: 652
Oxşar xəbərlər
- Ekologiyanı çirkləndirənlər 81 min cərimələnib
- Ekologiyanı pozanlar 46 min cərimlənib
- Ekologiyanı pozanlar cərimələnib
- Ekologiyanı pozanlar 63 min manat cərimələnib
- Ekologiyanı pozanlar 52 min cərimələnib
- Ekologiyanı pozanlar cərimələndi
- Ekologiyanı pozanlar cərimələndi
- Ekologiyanı pozanlar 56 min cərimələndi
- Ekologiyanı pozanlara 36 min cərimə
- Ekologiyanı pozanlar 29 min cərimələndi