Şəhid bacısına beynəlxalq fondda vəzifə verildi
21:06 02 Noyabr 2017
Özbəkistanda Beynəlxalq Babur İctimai Fondunun idarə heyətinin iclasına keçirilib.
Femida.az xəbər verir ki, iclasda ölkəmizi Azərbaycan Milli Elmlər Akademiyasının Nizami adına Ədəbiyyat İnstitutunun “Azərbaycan-Türkmənistan-Özbəkistan ədəbi əlaqələri” şöbəsinin müdiri, filologiya elmləri doktoru Almaz Ülvi (Binnətova) təmsil edib.
Tədbirdə fondun sədri, professor Zakirjon Maşrapov çıxış edərək bildirib ki, 25 il əvvəl yaradılan bu təşkilatın Bakı bölməsinin yaradılmasına zəruri ehtiyac var.
Vurğulanıb ki, fondun bir çox ölkələrdə - Türkiyə, Qazaxıstan, Hindistan, Koreya Respublikası, Əfqanıstan, Yaponiya, Çin və digər ölkələrdə bölmələri ictimai əsaslarla fəaliyyət göstərir.
Tədbirdə Almaz Ülvi fondun Bakı bölməsinin rəhbəri seçilib.
Qeyd edək ki, Özbəkistan Prezidenti Şövkət Mirziyevin təşəbbüsü ilə Əndican Vilayətində 2017-ci il “Zəhirəddin Məhəmməd Babur İli” elan edilib. Bu məqsədlə Əndican şəhərində Z.M.Baburun anadan olmasının 534 illiyi münasibətilə “Dünya mədəniyyəti tarixində Zəhirəddin Məhəmməd Baburun əsərlərinin rolu” mövzusunda beynəlxalq konfrans təşkil edilib.
Konfransda azərbaycanlı alim Almaz Ülvinin “Z.M.Baburun “Baburnamə”sinin Bakı nüsxəsinin təsviri və əsərdə Əlişir Nəvai izləri” mövzusunda məruzəsi dinlənilib.
Femida.az
Oxunub: 1162
Oxşar xəbərlər
- Şəhid ailələrinə ev verilib - FOTO
- Şəhid gizirimizin dəfnindən ürəkdağlayan FOTOLAR
- Şəhidimiz dəfn olunub
- Şəhidimiz sabah dəfn olunacaq
- Şəhid gizirimizin FOTOLARI
- Şəhidin medal ailəsinə verildi
- Şəhid əsgərimiz Saatlıda dəfn ediləcək
- Şəhid atası Abdulatipovun yerinə gətirilir - DOSYE
- Şəhid polkovnikin xanımına vəzifə verildi
- Şəhid zabitin övladı oldu - FOTO