Gürcüstandan Azərbaycana fişəng gətirmək istədi
19:26 29 Noyabr 2017
Gürcüstandan Azərbaycana maşının təkərində fişəng gətirən şəxs saxlanılıb.
Dövlət Gömrük Komitəsindən Femida.az-a verilən məlumata görə, Gürcüstandan gələn Azərbaycan vətəndaşının idarə etdiyi "VAZ-21074” markalı minik avtomobilinə Tovuz Gömrük İdarəsinin "Sınıq Körpü” gömrük postunda kinoloji xidmət iti tətbiq edilməklə gömrük baxışı keçirilib. Baxış zamanı, xidməti it nəqliyyat vasitəsinin təkərlərinə reaksiya verdiyi üçün avtomobil əsaslı şəkildə yoxlanılıb. Nəticədə, avtomobilin təkərlərinin içərisində 80 ədəd "Big cracker” və 18 ədəd "Draggon eggs cracker” markalı pirotexniki vasitələr aşkarlanıb.
Xatırladaq ki, aşkar edilən pirotexniki vasitələr yüksək səs-küylə müşayiət olunan partlayış törədir və ətrafa ciddi ziyan vura bilir. Bununla belə, partlayıcı xassəyə malik bu predmetləri avtomobilin hərəkətdə olan təkərlərinin içinə yerləşdirərək onu idarə etmək və həmin avtomobillə insanların kütləvi şəkildə toplaşdığı yerlərdən keçmək, həm də onlarla digər insanın həyatını təhlükə altında qoymaq deməkdir.
Femida.az
Oxunub: 980
Oxşar xəbərlər
- Gürcüstandan maşın gətirənlər DİQQƏT: “Prikidka” qadağan olundu
- Gürcüstandan gələn maşından 59 telefon çıxdı
- Gürcüstandan narkotik gətirmək istəyən tutuldu
- Gürcüstandan gələn maşından fişəng tapıldı
- Gürcüstandan Azərbaycana pul daşıyanlar - Karikatura
- Gürcüstandan görün nə gətirdilər - Gömrükdə əməliyyat
- Gürcüstandan partlayıcı gətirənlər tutuldu
- Gürcüstandan gələn soydaşlarımıza qarşı niyə laqeydik?
- Gürcüstandan Metsamora etiraz: “Dünya üçün təhlükədədir”
- Gürcüstandan Türkiyəyə dəstək