Ağdaşda bacısına görə tələbəni öldürən şəxs tutuldu - TƏFƏRRÜAT
20:52 14 Dekabr 2017
Ağdaşda rayonunda törədilən qətl hadisəsinin bəzi təfərrüatları məlum olub.
Femida.az APA-ya istinadən xəbər verir ki, bu gün səhər saatlarında Ağdaş şəhərinin Bəkir Nəbiyev küçəsində, mərkəzi poçtun qarşısında şəxsi münasibətlər zəminində aralarında baş verən dava zamanı əslən Ağdaş rayonundan olan və Bakıda yaşayan 2000-ci il təvəllüdlü Hacıyev Tərlan Fikrət oğlu həmyaşıdı, Ağdaş şəhər sakini Nəsibov Ətraf Nəsib oğlunu bıçaqlayıb. Ürək və kürək nahiyəsindən bıçaq xəsarətləri alan Ətraf Nəsibov hadisə yerində dünyasını dəyişib.
Qətli törədən Tərlan Hacıyev hadisə yerindən qaçaraq Qəbələ rayonunda yaşayan qohumunun evində, sonra isə meşə ərazisində gizlənsə də, günorta saatlarında Ağdaş rayon Polis Şöbəsinin əməkdaşları tərəfindən keçirilən operativ əməliyyat-axtarış tədbirləri nəticəsində saxlanılaraq istintaqa təhvil verilib.
Rayon sakinlərinin verdiyi məlumata görə, Ağdaş Dövlət Humanitar Kollecinin 2-ci kurs tələbəsi olan Ətraf Nəsibovun namus üstündə qətlə yetirildiyi bildirilir. Belə ki, Ətraf Nəsibov Tərlan Hacıyevin Ağdaşda orta məktəbin 10-cu sinfində oxuyan və dayısının evində yaşayan bacısı ilə görüşüb. Sonradan qız barəsində xoşagəlməz fikirlər söyləyən Ətraf Nəsibovun bu hərəkəti Tərlan Hacıyevin xoşuna gəlməyib. Tərlan Hacıyev bacısına görə Bakıdan Ağdaşa gələrək Ətraf Nəsibovu amansızlıqla qətlə yetirib. Qətli törədən Tərlan Hacıyevin valideynlərinin hazırda Türkiyədə olduğu bildirilir.
Qeyd edək ki, hadisə Ağdaş Dövlət Humanitar Kollecinin ərazisindən kənarda, dərslərarası fasilə vaxtı baş verib. Ətraf Nəsibov kolleci özbaşına tərk edərək poçtun yanına gedib və məlum hadisə bu zaman qeydə alınıb.
Femida.az
Oxunub: 2473
Oxşar xəbərlər
- Ağdaşda qəza - 3 nəfər yaralandı
- Ağdaşda ağacla öldürülən şəxs `Azərişıq`ın əməkdaşı imiş - TƏFƏRRÜAT
- Ağdaşdakı namus cinayətinin təfərrüatları - VİDEO
- Ağdaşda Bilik evi açılıb
- Ağdaşda yol qəzası can aldı
- Ağdaşda çörək sexində bədbəxt hadisə
- Ağdaşda ev yanıb
- Ağdaşda ev yandı - Xəsarət alan var
- Ağdaşda məzunlar arasında dava - 18 yaşlı oğlan bıçaqlandı
- Ağdaşda 18 yaşlı gənc bıçaqlanıb